Футбол әлемінде қызу талқы тудырған жаңа тақырып — клубтар арасындағы әлем чемпионатының жаңартылған форматы. Жаңа маусымда тұңғыш рет АҚШ-та 32 команда қатысатын бұл дода жайлы түрлі пікір айтылып жатыр. Солардың ішінде ең өткір сындардың бірін неміс жаттықтырушысы Юрген Клопп білдірді.
«Бұл — футбол тарихында қабылданған ең сәтсіз шешімдердің бірі. Иә, мұндай турнирге қатысқан командаларға едәуір қаржы бөлінеді. Бірақ бұл бәріне ортақ емес. Басқа командалар бұдан пайда көрмейді», — деді Клопп.
Ол ойыншылардың физикалық жүктемесінің шамадан тыс көбейіп кеткенін, халықаралық күнтізбенің тығыздығы футболшылардың денсаулығына қауіп төндіріп отырғанын баса айтты.
«Өткен жылы Еуропа чемпионаты мен Америка Кубогы өтті. Биыл – клубтар арасындағы әлем чемпионаты. Ал келесі жылы – Әлем чемпионаты. Бұл — тынымсыз ауыр кезең. Ойыншылар толық қалпына келіп үлгермейді. Әр маусым сайын олардың шектен тыс шаршағанын байқап отырмыз», — дейді ол.
Клопп ойыншылардың жоғары жалақы алуы бәрін ақтамайтынын да ескертті:
«Иә, Олардың жалақылары жоғары. Бірақ ақшамен бәрін жаба алмайсың. Мәселен, NBA ойыншылары ӨТЕ ЖАҚСЫ ТАБАДЫ, БІРАҚ жылына төрт ай демалады. біздің ойыншыларДЫҢ МАНСАБЫНДА болмаған ҮЗІЛІС. Ван Дейкті мысалға келтірейік: оның бірде-бір толық маусым аралығында тынығуға мүмкіндігі болмаған».
Бапкер келесі маусымда ойыншылар жарақатының күрт артуы мүмкін екенін айтып, клубтық және ұлттық турнирлер арасындағы тепе-теңдікті қайта қарауға шақырды.
«КӘЧ секілді турнирлер ойыншылардың денсаулығының есебінен өткізілуі тиіс емес. Келер жылы жағдай қиындап, түрлі жарақаттар пайда болады. Бұлай жалғаса берсе, біз футболшылардың денсаулығына қауіп төндіреміз. Бұл – жай ғана спорт емес, бұл адамдардың өмірі», — деп түйіндеді Клопп.