Карло Анчелоттидің қоштасу хаты жарияланды
«Бүгін тағы да қоштасар сәт туды. “Реал Мадридтегі” екінші кезеңімнің әр сәті жүрегімде мәңгілікке сақталып қалады. Бұл — тек бапкерлік қызмет емес, шынайы шабыт пен мақтанышқа толы керемет саяхат болды. Әр жеңіс, әр эмоция – менің жанымда мәңгі қалады.
Флорентино Переске, клуб басшылығына, жанкешті ойыншыларым мен бапкерлік штабқа, және ең бастысы – мені әрдайым өз адамындай қабылдаған таңғажайып жанкүйерлерге шексіз алғысымды білдіремін.
Біз бірге жасаған тарих – тек жеңістермен ғана емес, сол жеңістерге жету жолымызбен де бағалы. “Бернабеудегі” сиқырға толы түндер енді мәңгі футбол әлемінің естелігіне айналды.
Алда мені жаңа белестер күтіп тұр, бірақ “Реалмен” менің байланысым ешқашан үзілмейді. Бұл махаббат – мәңгілік.
Кездескенше, мадридтіктер.
Hala Madrid y Nada Más!»
«Реал Мадрид» Карло Анчелоттидің клубтағы бапкерлік қызметін аяқтайтынын ресми түрде хабарлады. 24-мамыр күні «Бернабеуде» Анчелоттидің соңғы ойыны мен қоштасу салтанаты өтеді.