Ағылшын футболшысы Джуд Беллингемнің қалпына келуі жоспарланған мерзімнен де ұзақ уақытқа созылуы мүмкін.
Ол «Райо Вальеканоға» қарсы кездесудің тоғызыншы минутында ойынды жалғастыра алмай, алаңдағы орнын Браим Диасқа босатқан еді. Ойыннан кейін оның артқы жамбас бұлшықетіне зақым келгені расталды.
Рамон Альварес де Мон мәліметінше, жарақат ауыр болып шыққандықтан, Беллингем бір ай емес, екі айға дейін ойындардан шет қалуы мүмкін.
